Өнгөрсөн жил нийслэлийн хэмжээнд 07 дугаар сарын 09-ний өдрөөс 07 дугаар сарын 18-ны өдөр хүртэлх 10  хоногийн хугацаанд нийт 9280 дуудлагад үйлчилсэн нь өмнөх оны мөн үеэс 7.2 хувиар нэмэгдсэн үзүүлэлттэй байна. 
Нийт дуудлагыг өвчлөлөөр авч үзвэл артерийн даралт ихдэлт, зүрх судасны өвчлөл, архины хордлого, ходоод гэдэсний хямрал зонхилсон байна. 
#Хүүхдийн дуудлага 607 дуудлагаар буюу 54.7 хувиар, 0-5 хүртэлх насны хүүхдийн амьсгалын замын өвчлөл 330 дуудлагаар буюу 75 хувиар, #согтууруулах ундааны нөлөөгөөр  биеэ авч явах чадваргүй болсон  иргэдийн дуудлага өмнөх оны мөн  үеэс 161 дуудлагаар буюу 58.6 хувиар нэмэгдсэн,  төрөх жирэмсний  дуудлага 116 дуудлагаар буюу 26.5 хувиар буурсан үзүүлэлттэй  байна. 
Иргэд, олон нийтийг баяр наадмын өдрүүдэд анхаарал болгоомжтой байж, архи согтууруулах ундааг зохистой хэрэглэж, хүүхэд тавих хараа хяналтаа өндөрсгөхийг санууллаа.