Эрүүл эх, хүүхэд – Жирэмсэний бүлгийн хяналт
Монгол улсад жилдээ жар гаруй мянган эх жирэмсэний хяналтанд шинээр хамрагддаг байна. Эрүүл Монгол хүн үндэсний хөдөлгөөний хүрээнд жирэмсэн эхчүүдэд эрүүл мэндийн боловсрол олгох, жирэмсэний бүлгийн хяналт хэмээх ДЭМБ санаачилгыг хэрэгжүүлэх загвар төслийг ЭМЯ, ЭХЭМҮТ, ЭНЭҮТ-2 хамтран хэрэгжүүлж байна.
Манай улсын хувьд жирэмсэний хяналтын хамралтын хувь өндөр хэдий ч төрөхийн өмнөх, төрөх үеийн болон дараах хүндрэл түгээмэл тохиолдсоор байна. Жирэмсний бүлгийн хяналт нь эхчүүдэд жирэмсний хяналтын хугацаанд өөрийгөө болон хүүхдээ асрах, эрүүл бойжуулах, эрүүл зан үйлийг төлөвшүүлэх цогц сургалтыг практикт тулгуурлан явуулах замаар эх хүүхдийн эрүүл мэндийг сайжруулах суурь сэргийлэлтийн арга юм.
“Жирэмсний бүлгийн хяналт”-ын сургагч багш бэлтгэх сургалтыг ЭМЯ болон холбогдох төвүүд хамтран 2024 оны 11 сарын 22-24 өдрүүдэд төслийн баг зохион байгуулсан бөгөөд эх барих эмэгтэйчүүдийн их эмч, өрхийн их эмч, эх баригч болон сувилагч нар хамрагдлаа. Сургагч багшийн удирдлагаар ЭНЭҮТ-2 болон Хан-уул дүүргийн ЭМТ дээр жирэмсэний бүлгийн хяналтыг хэрэгжүүлэх ажил эхэллээ.
Үйл явдлын мэдээ, мэдээлэл
-
“Амсахгүй бол Харамсахгүй” нөлөөллийн аян орон даяар хэрэгжиж эхэллээ 2024-11-28 09:55:00
-
Амны хаалтаа зөв зүүцгээе! 2024-11-28 09:47:00
-
Ханиад, томуунаас сэргийлье 2024-11-28 09:46:00
-
Багийн эмч нарын анхдугаар уулзалт Төрийн ордонд зохион байгуулагдав. 2024-11-28 09:30:00
-
Эрүүл эх, хүүхэд – Жирэмсэний бүлгийн хяналт 2024-11-28 09:13:00
