Теннис тоглох нь бие бялдрын хөгжил, хурд хүч, нүдний харааг сайжруулахаас гадна сэтгэн бодох чадварыг хөгжүүлдэг тул 81 настай хэдий ч миний бие өдийг хүртэл эрүүл саруул амьдарч байна. 
Хүн эрүүл, урт удаан аж төрөхөд дасгал, хөдөлгөөн, биеийн тамир, спорт ямар чухал болохыг 81 настай Б.Наран гуай өөрийн туршлагаараа харуулж буй. Монголын ширээн теннисийн түүхэн гэрч болсон Б.Наран гуай 1959 онд тус спортын анхны аварга болж, дэлхийн аварга шалгаруулах тэмцээнд эх орноо төлөөлөн оролцож байсан анхны ширээний теннисчин, анхны спортын мастер, улсын 5 удаагийн аварга тамирчин юм. 
Эрүүл амьдралын хэв маягийг өөрөөр үлгэрлэн яваа танд эрүүл энхийг хүсье.